* - сьпевы з каляднай оперы "Цар Ірад"

** - сьпевы з музычнага сьпектакля прысьвечанага ўгодкам М. Кл. Агінскага

 

Аўтар сьпеваў жыве з 1989 г. у вёсцы Залесьсе (каля Смургоняў). Зараз працуе ст. навуковым супрацоўнікам у музеі Агінскага, які плануецца разьмясьціць у сядзібе знакамітага кампазітара (тут М. Кл. Агінскі жыў з 1802 да 1822 г.). да сьвяткаваньня угодкаў кампазітара аўтарам быў падрыхтаваны музычны сьпектакль (гульня ў оперу) “Вечар у паўночных Афінах, ці сон Антонькі”, прэм’ера якога адбылася ў 1996-97 г.г. у выкананьні дзіцячай тэатральнай студыі “Альтанка”, якую стварыў W. Ramiejka Zaleski (асобныя нумары са сьпектакля ў аўтарскім выкананьні на гэтым самотніку). Астатнія сьпевы аўтар складаў да ўрокаў маляваньня ў пачатковых клясах залескай школы, ды заняткаў у майстэрні “Апалонік”, якой ён кіруе. Стварэньне сьпеваў не зьяўлялася самамэтай, яны складаліся як “акампанемент” для школьных заняткаў.

Ёсьць надзея, што гэтыя сьпевы будзе цікава паслухаць ня толькі вучням з Залесься.