Аўтарызацыя
У нас на форуме
А ў галерэі...
|
 |
Гісторыя ўзнікнення і развіцця Вілейкі |
 |
 |
Сёння Вілейскі раён уваходзіць у пяцёрку найбуйнейшых раёнаў Міншчыны (яго плошча 2,4 тыс. кв. км), але з'яўляецца самым маланаселеным у сталічнай вобласці. У самой Вілейцы жыве 29 тыс. чалавек. Горад размяшчаецца на р. Віліі.
Месцы гэтыя абжываліся здаўна. Знойдзеныя прадметы археолагі адносяць да культуры штрыхаванай керамікі, г.зн. да VII ст. да н.э. - IV ст. н.э.
Доўгі час лічылася, што датай заснавання Вілейкі з'яўляецца 1599 г. Але гораду Вілейцы папярэднічаў двор Куранец, ці Стары Куранец. Узнік ён не пазней чым у XIV ст. Паступова, на мяжы XVI-XVII стст., у Старога Куранца з'яўляецца іншая назва - "Велейка" (ад ракі Веллі-Віліі, на правым беразе якой стаяў двор).
Яе ўладальнікамі былі Сапегі, Корвін-Гансеўскія, Эйдзятовічы, затым Пацы. Мястэчка Вілейка мела прывілей на гандаль у нядзельныя дні і на тры кірмашы ў год.
Верагодна, спачатку Пацы пабудавалі на правым беразе Віліі сваю рэзідэнцыю з шыкоўным садам, броварам, брамай і турмой. Аднак ужо да сярэдзіны XIX ст. ад гэтай рэзідэнцыі нічога не захавалася. Мяркуючы па ўсім, яна падзяліла сумны лёс горада, знішчанага вялізным пажарам у 1810 г.
Пасля смерці Юзафа Паца (1773) сейм Рэчы Паспалітай зацвердзіў права на мястэчка за кашталянам віцебскім Ігнацыем Куранецкім. Да таго часу ў Вілейцы яшчэ не было ніводнай камяніцы. Поруч з земляробствам і рамяством мясцовыя жыхары займаліся і сплаўным промыслам. Стругі па Віліі праз Нёман і Балтыку хадзілі аж да Гданьска. Сплаўляліся лес, хлеб, футры хатніх жывёл, мёд, воск, рыба. Назад жа везлі жалеза, сукно, соль, цукар, селядцоў.
У 1793 г. Вілейка ў складзе Ашмянскага павета была далучана да Расіі. Кацярына II падаравала Вілейку мінскамі губернатару Карнееву. 3 мая 1795 г. па загаду імператрыцы мястэчка стала павятовым горадам і атрымала герб.
Значэнне вілейскага воднага шляху знізілася ў XIX ст., і горад, спустошаны пажарам і вайной 1812 г., гібеў. Забудаваны спрэс драўлянымі дамамі, ён мог пахваліцца хіба што сваім броварам ды выдатнай каменнай турмой, якая праіснавала да 1950-ых гг.
Клапатлівае добраупарадкаванне вуліц і добрае азеляненне стварылі ў Вілейцы своеасаблівы камерны інтэр'ер невялікага ўтульнага горада. Яго архітэктурнае аблічча вызначаюць дзве каменныя дамінанты - Крыжаўзвіжанскі касцёл пач XX ст. і царква ў імя прападобнай Марыі Егіпецкай, збудаваная ў 1865 г. |
 |
|
|
|
 |
 |
 |
| |
| |
| | Green, Ігар Сьпільнічэнка, Ілья, імпрэза, Асінаўка, Астравец, АЭС, Варняны, вершы, Волат, выбары, гімназія, газета, Ганна, Гліннае, гурт, дыяспара, Залессе, Зеніт, Зьміцер Вінаградаў, канцэрт, кніга, крызіс, Лілея, Лашутка, Наркевіч, Новік, ПАНаНеба, паэт, помнік, прафсаюз, прэзентацыя, рок-канцэрт, рэгіянальная, Смаргонь, сталоўка, ТМА, фотаздымкі, эканоміка, эміграцыя
Паказаць усе тэгі | | | |
| |
|
Апытанне
| Ці патрэбна будаўніцтва АЭС непадалёк ад Вялейкі? |
Пошук
Зараз на сайце
Карыстальнікаў: 0
Адсутнічаюць. Робатаў: 2Yahoo, Alexa
Гасцей: 0 20-ка апошніх наведвальнікаў:
Habeliak,
mikola,
Tambouski vouk,
kon,
Vialla,
Воля,
musicmaker,
Dana,
SergunCh0k,
Pan_tadeush,
miestaczkoviec,
andros,
Vladis,
jakub,
_Han_,
Антось,
Кавальскі,
Зоя Справедливая,
Shmid,
Chiuaua
|
