Рок-канцэрт прайшоў у апошні дзень студзеня у кінатэатры "Мір" у Вялейцы. На сцэне зьявіліся госьці з в.Кабыльнік (гурт Дабл), Маладэчна (M.S.N.), Менску (Летаргія), а таксама вялейскі гурт "Дзеці Індзіга". Кірункі музыкі зьмяняліся ад панку і металкору да dead romance.


Надзвычай шмат сабралася людзей- поўная заля. Прычым зь першых песень пачаўся і слэм. Шалёныя людзі у дзіўных вопратках танчылі па-іхнаму пад цяжкую музыку. Паколькі гурты былі з розных мясьцін і розных кірункаў у музыцы, то, адпаведна, і слухачы ў іх былі розныя. Можна было заўважыць, што маладэчненцы прыехалі разам са сваёй групай падтрымкі, таму натоўп перад сцэнай быў ну вельмі вялікі. Пад астатніх падтрымлівалі вяляйчане, прычым ні адзін гурт не сьпяваў у пустыню.

Велььмі дзіўныя ўражаньні атрымалі тыя, хто танчыў, калі быў уключаны страбаскоп- гэта такая штука, каторая міргае яркім сьвятлом з пэўнай частатой. З аднаго боку, усім усё адно, а зь іншага - ідзеш і дрэнна ўяўляеш, дзе апынешся ў наступную хвіліну.

Такія канцэрты досыць рэгулярна адбываюцца ў Вялейцы, і госьці зь іншых гарадоў - ня рэдкасьць. Але ўсё ж ёсьць спадзяваньне, што надалей вялейскіх гуртоў будзе большасьць, бо ў горадзе, дзе ёсьць магчымасьць выступаць, няхай і праз высілкі саміх жа музыкаў, рок павінны разьвівацца. Чакаем новых канцэртаў і выканаўцаў!

Больш здымкаў: http://vilejka.org/gallery/akcyi/kancerty/rok-kancjert-31.01.2009/

Праглядаў: 102