26 сьнежня ў Чырвоным касьцёле св. Сымона і Алены абдыўся калядны канцэрт арганізаваны стваральнікамі дыску “Хрысьціянскі хіт”. На ім выступіў Алесь Наркевіч, які прыехаў зь Вялейкі з групай падтрымкі.

Распачаўся канцэрт выступамі легендарнага Андрэя Мельнікава з песьні “Гэтам – мы!”. Ад знакамітага барда слухачы пачулі яшчэ некалькі песен хрысціянскай тэматыкі.

Мельнікава змянілі з выступам сёстры Багдановіч Ядвіга і Ганна і іх сяброўка Аляксандра, якая грала на тамтаме. Сёстры Багдановіч наведваюць Чырвоны касьцёл, ствараюць шмат рэлігійных песен, маюць свае дыскі.

Бард Інэса Леаданская прадставіла некалькі песен: “Рашчыняйце сэрцы” на словы Дуксы, на словы. В. Шніпа “Усё для вашага збаўленьня”, на словы Янкі Купалы “Хрыстос уваскрос!”. Яна з’яўляецца і арганісткай Чырвонага касьцёлу, таму жадаючыя могуць паслухаць яе і ў гэтым амплуа.

Наступны выступ быў вялейскага аўтара Алеся Наркевіча. Ён прасьпяваў тры песьні: “Ніхто яшчэ не ведаў”, “Усе мары некалі здзяйсьняюцца”, “Беларусь – гэта Куба!”. Алесь Наркевіч сарваў шквал апладысментаў, з залі гучалі выкрыкі “на біс!”, “на біс!”.

Завяршылі канцэрт прадстаўнікі гурта “Псалмяры”. Яны прасьпявалі “Мая Беларусь”, “Зорка”, “Шчасьце” на словы Марыі Савушкінай, якая прысутнічала ў залі і свой хіт “На Беларусі Бог жыве” на словы Уладзіміра Караткевіча.

Алеся Наркевіча пры выхадзе з залі дзяквалі, прасілі дыскі і запрашалі выступіць на канцэртах, якія ладзяць розныя грамадскія аб’яднаньні.


Аляксей Сюдак

Праглядаў: 63