Мы, група грамадзян Астравецкага раёна Гарадзенскай вобласці, вельмі занепакоеныя магчымасцю будаўніцтва атамнай электрастанцыі ў нашым раёне, і заяўляем сваё рашучае «не» гэтаму смяротна небяспечнаму праекту.

Мы не падзяляем неразумнага і безагляднага аптымізму ўсіх тых, хто сёння ўпарта выступае за будаўніцтва АЭС менавіта на тэрыторыі Нарачана-Вялейскага запаведна – рэкрэацыйнага краю, вялізны санаторна-аздараўленчы патэнцыял якога будзе раптоўна і назаўжды будзе знішчаны.

Мы катэгарычна не жадаем ператварэння нашага ўнікальнага, дзіўнай прыгажосці краю ў яшчэ адну чорную «чарнобыльскую дзюру» на карце Еўропы, дзе будзе адбывацца павольная, але няўхільная радыяцыйная мутацыя ўсяго жывога. Мы жадаем пакінуць наш край сваім нашчадкам у тым выглядзе, у якім ён зараз знаходзіцца і ўяўляе сабою здаровае і камфортнае месца пасялення.

Нам цалкам не трэба суседства з аб'ектам падвойнага прызначэння, якім з'яўляецца любая АЭС, бо яна ўяўляе сабою пастаянна узведзеную атамную бомбу запаволенага дзеяння што выпрацоўвае электраэнергію.

Мы не жадаем каб і без таго маладая смяротнасць у Беларусі, дзе толькі 10% ад нарадзіўшыхся дажываюць да пенсійнага ўзросту, у нашым рэгіёне была даведзеная да ўзроўня дзіцячага ўзросту.

Мы рашуча заяўляем, што атамная электрастанцыя па азначэнні не можа быць пабудаваная ў самай сейсманебяспечнай зоне нашай краіны, які з'яўляецца Астравецкі раён Гарадзенскай вобласці. Бо менавіта тут у 1909 году адбылося наймацнейшы землятрус на тэрыторыі Беларусі за ўсю гісторыю сейсманазіраній моцнацю ў 7 балаў, у выніку якога ўтварыўся разлом зямной кары, які сведчыць аб яе далікатнасці і сейсманеустойлівасьці у гэтым месцы.

Мы таксама лічым, што АЭС у Астравецкім раёне не можа быць пабудаваная і з улікам ружы ветравеяў у зоне перавагі заходняга пераносу, які пакрывае ўсю тэрыторыю рэспублікі з захаду на ўсход. Роўна як і не можа быць АЭС пабудаваная ледзь не ў самім цэнтры самой буйнай на тэрыторыі Рэспублікі Беларусь санаторна-курортнай зоны, які з'яўляецца Нарачана-Вялейская раўніна.

Мы перакананыя, што будаўніцтва АЭС у нашым рэгіёне ў прыватнасці, і ў постчарнобыльскай Беларусі наогул, гэта не проста памылка, а злачынная задума, які непазбежна прывядзе да яшчэ адной вялікай і непапраўнай бядзе, якая выходзіць далёка за межы нацыянальных маштабаў. А таму мы звяртаемся да ўсіх органаў дзяржаўнай улады краіны, да ўсіх грамадзян Рэспублікі Беларусь, Еўрапейскай супольнасці, МАГАТЭ, у сродкі масавай інфармацыі толькі з адной адзінай просьбай - спыніце, пакуль гэта яшчэ не позна, рэалізацыю праекту пад назовам «Астравецкая атамная». І адначасова заяўляем аб стварэнні аргкамітэта грамадскай ініцыятывы «Астравецкая атамная – гэта злачынства».

Мы заклікаем усіх тых, каму не абыякавая лёс Беларусі і яе народа далучыцца да нашай ініцыятывы, устаць у нашы шэрагі і не дапусціць здзяйсненні страшнай і непапраўнай памылкі. Сёння кожны ваш голас мае вырашальнае значэнне, тады калі маўклівае сузіранне на якое адбываецца раўнасільна прамому дапамаганню злачыннай задуме, які задумалі і жадаюць рэалізаваць за наш з вамі рахунак злоснікі Беларусі і яе народа.

Аргкамітэт грамадскай ініцыятывы «Астравецкая атамная – гэта злачынства».

04.11.2008г. Кантакт: E-mail - staryulas@gmail.com

Н.М.Уласевіч - індывідуальны прадпрымальнік, кваліфікацыя географ, выкладчык геаграфіі,
І.Ф.Крук - пенсіянер МУС РБ, кваліфікацыя юрыст,
Е.М. Александровіч – ветэран Вялікай Айчыннай вайны, інвалід 2 гр.,
А.Л. Раўдо - ветэран Вялікай Айчыннай вайны, кваліфікацыя гісторык, выкладчык гісторыі,
Л.І. Пукшто – ветэран працы, кваліфікацыя настаўнік фізічнай культуры,
А.У. Віткоўская - індывідуальны прадпрымальнік, кваліфікацыя таваразнаўца,
І.У. Жалецкі - працоўны, кваліфікацыя механік.

Праглядаў: 225