Так і хочацца крыкнуць гэта, калі бачыш зводку пажараў за апошнія дні. Вельмі неспакойнымі для пажарных, ды і ўсіх нераўнадушных людзей, сталі першыя дні мая.

    У трэці дзень гэтага прыгожага веснавога месяца ўспыхнуў пажар у горадзе, у доме барачнага тыпу па вуліцы Краснаармейскай. Як пасля высветлілася, гаспадар адной з кватэр закурыў у ложку… Абгарэла канапа, пасцельныя прыналежнасці.

    На другі дзень уначы пажарныя выязджалі на тушэнне ў Ліцвінкі Куранецкага сельсавета. Тут гарэла лазня. Агнём знішчаны дах пабудовы. Прычынай загарання стала парушэнне пажарнай бяспекі пры мантажы печы.

    5 мая бяда здарылася ў вёсцы Капусціна Ільянскага сельсавета: тут гарэў дом і надворныя пабудовы. У доме, дзе ўзнік пажар, выгарэла маёмасць, знішчаны дах, перакрыцці, згарэў дах у лазні, дзве надворныя пабудовы, якія належылі некалькім гаспадарам. Прычына пажару ўстанаўліваецца.

    У гэты ж дзень загарэлася лазня ў Кучках Вязынскага сельсавета. Увесь дах пабудовы знішчаны. Прычынай пажару стала няспраўная печ.

Сяргей КРАЧКОЎСКІ,
інспектар Дзяржпажнагляду.

Праглядаў: 523