У Вялейцы адчыніўся мотасезон. Байкеры з Вялейкі, Маладэчна, Менску , Смаргоні праехалі па цэнтральнай вуліцы гораду і а 11 гадзіне раніцы ўехалі ў Ніжні парк. Апроч іх выступалі вялейскія рыцары, гурты Дзеці Індыга і Дзень незалежнасьці. Удзельнічаў мота-гурток пры Вялейска- Мядзельскім ДТСВАФ Праходзілі конкурсы для ўсіх жадаючых. Ідэйны натхняльнік мерапрыемства- Сяргей Марынюк, байкер зь Вялейкі.

Пачалося усё з конкурсаў для жадаючых і маючых мотатэхніку: васьмерачка, абліваньне пенай для галеньня, лопаньне шарыкаў. Самым адметным быў конкурс з сасіскай: байкер бярэ пасажыра, які, праязжаючы каляч сасіскі, павінны адкусіць кавалак. Сасіска была ў маянэзе- можа, каб смашней было- і самым няспрытным даводзілася аблізвацца. Некаторыя выбывалі праз тэхнічныя непаладкі: у каго бензін скончыцца , у каго панэлька адваліцца.

Ад гуртку пры ДТСВАФ былі ўдзельнікі на кросавых матацыклах, якія паказвалі, што яны могуць, на горках каля пляцоўкі з конкурсамі.

Каля сцэны разьмясьціўся намет рыцараў (адзін госьць з Маладэчна і чатыры з клюбу гістарычнай рэканструкцыі ”Паходня”, кіраўнік Андрэй Арлоўскі). Яны загаралі па сонейкам, апрануўшы кальчугі. Урэшце яны ( рыцары то бок) правялі шэсьць баёў. У шостым, як самыя моцныя, змагаліся Вальгер і Вігунт (унічыю). Фіналам стала імправізаваная бойка два на два. Па выніках усе загінулі.

Жадаючыя маглі паказаць сваю моц: арм-рэсьлінг (рука на руку), кінуць як мага далей карсер ( такая металічная і цяжкаватая штука) ці падымаць пудовую гіру ( гэта 16 кілаграмаў, паставілі рэкорд- больш за 50 разоў). На хадулях хадзілі і малыя, і вялікія, і нават вельмі вялікія- сам суддзя вырашыў паўдзельнічаць. Пераможцу далі прыз- цацачны байк.

Конкурсы перамежваліся жывой рок-музыкай: ігралі гурты Дзеці Індыга і Дзень Незалежнасьці ( абодва зь Вялейкі). Што адметна, яны па чарзе выконвалі па некалькі песень. Чаканага слэму асабліва не было, але некалькі чалавек пакіўбасіліся. З гукам ня ўсё было выдатна, але надзіва былі чутныя словы песень, у адрозьненьне ад мясцовых рок-канцэратаў. Праўда, яшчэ лепш было чутна вядоўцаў: напэўна, аж да плошчы.

Паўдзельнічаць прыехалі і страрыя аматары. Сярод матацыклаў былі сабраныя ўласнымі рукамі, ”пераробленыя зь Менскага ў Яву і наадварот”, як сказаў вядоўца. Напрыканцы сярод іх выбралі лепшага. Яго уладальнік і стваральнік- той жа Сяргей Марынюк. Не абышлося без непаразуменьняў: папрасілі людзей сабрацца каля таго цуду тэхнікі, якое найбольш спадабаецца. Толькі не патлумачылі, дзе ж самазробленыя.

А пятай гадзіне абвясьцілі пераможцаў конкурсаў: Капітан, Нюша, Зан, Скок і іншыя. Сярод іх была адзіная дзяўчына- Інга і быў самы малодшы ўдзельнік- Рэкет. Узнагародзілі і рыцараў. Прагучала думка, што у Вялейцы рыцары і байкеры непадзельныя. За падарункі былі блакноты і балоны з фарбай.

У Ніжнім парку былі ня толькі рокеры і байкеры. Бацькі зь дзецьмі, шмат моладзі і людзей прыйшлі паглядзець і паўдзельнічаць. Дарэчы, больш, чым калісь на провады зімы. Са здымачамі і нататнікам насілісяч прадстаўнікі прэсы. Збоку стаяў нарад міліцыі з сабакам і матацыкламі. Пад байкераў яны, праўда, не падкасілі- форма выдала.

Можна было пачаставацца шашлыком з адзінага шапіка. Дарэчы ,чарга была не на сто чалавек, але шмат хто бегаў у навакольныя крамы за марозівам ці нечым іншым. У прынцыпе, тут ёсьць і плюс: меньш накідалі сьмецьця. Не параўнаць з тым жа Купальлем.

Такое мерапрыемства праходзіць у Вялейцы другі раз. У тым годзе байкеры проста праехалі па вуліцах. На гэтую восень плануецца закрыццё сезону, тое ж на наступны год і праезд па горадзе на сьвяты. Па словах байкера Макса (Хоган), у выканкаме пры такім маштабе паабяцалі спрыяць падзеям. «Сделаем Вилейку центром байк- движения»- так сказаў Хоган.

P.S.Прабачце,калі памыляюся: ДТСВАФ-ДОСААФ.

Астатнія фотаздымкі глядзіце ў фотаальбоме