12 лютага ў Вялейскай залі выставаў адбылася вечарына, прысьвечаная 200-годдзю з дня народзін выбітнага мастака, кампазітара, пісьменніка Напалеона Орды. 43 рэпрадукцыі (з тысячы існуючых) пейзажаў з архітэктурнымі помнікамі даўніны пэндзля Напалеона Орды былі прадстаўлены на выставе, адкрытай у гэты ж вечар. Імпрэзу вяла старшы навуковы супрацоўнік краязнаўчага музэя Вольга Коласава. Розныя выступоўцы выканалі музычныя й літаратурныя творы сучаснікаў і сяброў Напалеона Орды, а Тацяна Захарыч выканала й яго ўласную музыкальную п'есу "Блукаючы агеньчык". Так, настаўнік гімназіі №2 Віктар Кажура й вучаніца гімназіі Валерыя Шушкевіч прачыталі вершы па-польску й ў беларускім перакладзе. Ансамбль народных інструментаў НШ №6 выканалі мазурку Міхала Клеафаса Агінскага.


Эдуард Мацюшонак, як мастак, у сваёй прамове зазначыў, што менавіта спадчына Напалеона Орды
дапамагае адчуць сваю гісторыю й ня стаць манкуртам.


Віталь Кастэнка, дырэктар філіяла АДА "Ваяжтур", які зарганіза ваў выставу, распавёў пра сваё знаёмства з творамі Орды й пра сваю духоўную блізкасьць да мастака-вандроўніка. Ён прэзэнтаваў адзін з аддзелаў выставы, які завецца "Павіллье" і складаецца з 13 рэпрадукцый, прысьвечаны тым самым 150-годдзю экспедыцыі нашага земляка Канстанціна Тышкэвіча, шлях якой, да Камена да Коўна, будзе паўтораны ўлетку.


Краязнавец Анатоль Рогач прапанаваў увазе ўдзельнікаў мерапрыемства радаводы шляхцічаў-вялейчукоў, давёўшы, што Напалеон Орда меў крэўнае дачыненне да нашых мясьцін. Яшчэ ён выказаў здагадку, што сярод малюнкаў Орды варта шукаць болей нашых мясцовых

пейзажаў, напрыклад, маёнтка Зянонава (зараз вёска).


Г
осьць з Залесся Сяргей Верамейчык назваў Напалеона О
рду апошнім рамантыкам Вялікай Літвы, а гэтую выставу - сапраўдным подзьвігам вялейскай грамады, які робіць значны ўклад у вяртанне імя вялікага дзеяча. Т
аксама ён выканаў твор М.К. Агінскага на флейце й прасьпяваў пад гітару песьню.


Паэтка Клаўдзія Дубовік, натхнёная асобай Орды, прысвяціла яму сваю новую паэму, пачатак якой яна вынесла гэтым вечарам на суд слухачоў.


Напрыканцы сьвята праспяваў песьню пра Беларусь вялейскі бард Алесь Наркевіч.


Усім прысутным, якіх ледзь умяшчала заля, Віталь Кастэнка прапанаваў пачаставацца вялізным тортам з гарбатай, як тое звычайна й бывае на днях народзін. Атмасфера вечарыны


была цёплай і натхняльнай.


Выстава будзе працаваць да канца лютага, кожным днём, апрача панядзелка.















































































































Якуб і Эліза Волат.

Праглядаў: 714