У Вілейцы адбыўся круглы стол "Наступствы фінансавага крызісу для буйных прадпрыемстваў і пазіцыя свабодных прафсаюзаў". Удзельнічалі актывісты Свабоднага прафсаюзу металістаў оптыка‑механічнага заводу "Зеніт", сябры Партыі БНФ, дэмакратычная грамадскасць.

З Мінску прыехалі асноўныя выступоўцы: кіраўнік Аналітычнай камісіі Партыі БНФ Пётра Садоўскі ды эксперт у эканоміцы Міхал Залескі.

Вінцук Вячорка, які вёў паседжанне,зазначыў, што яго мэта — даць працаўнікам "Зеніту", дый наагул жыхарам Вілейкі, больш інфармацыі пра наступствы крызісу для беларускай эканомікі, для канкрэтных прадпрыемстваў, выпрацаваць рэкамендацыі да тактыкі свабодных прафсаюзаў. М.Залескі й П.Садоўскі апісалі варыянты развіцця падзеяў вакол "Зеніту", які ўключаны ва ўказ № 605, а значыць, падлягае асаблівай працэдуры акцыянавання й прыватызацыі.

Галоўная рэкамендацыя — патрабаваць галоснасці ў прыняцці рашэнняў, адстойваць сацыяльныя правы работнікаў, асцерагацца інвестараў, якія не дзейнічаюць паводле закону й цывілізаваных нормаў, у тым ліку расейскіх.

Наша Ніва

Праглядаў: 80